HOMBER I MUHER QUO VADIS?

Cu e homber i e muher mester aksepta nan banda opuesto pa e ser humano recobra e puesto number un bek den bida ta un facto. Un puesto cu awe equibocadamente ta wordo disputa (na un forma barbaro) entre homber i muher; pasobra e homber kier cueste loque cueste e muher aksepta cu homber ta superior na e muher; y e muher kier humilia e homber pa e mustra e homber cu muher ta superior na e homber. E actonan cu nan ta comete pa mustra nan superioridad na otro ta barbaro. Entre otro e hombernan ta inventa guera pa na bringa i mata otro sin compasion, i e muhernan ta contesta cu e mesun visiosidad cu nan no tin mester di homber pa nada den nan bida. Nan mes por satisface otro sexualmente, i ni pa nan hanya jui nan no tin mester di homber mas. I asina poco poco e distancia entre nan ta birando mas hancho. E momento a jega pa admiti cu entre homber i muher no por tin disigualdad. Nos tur ta ser humano.